கணபதி வேள்வி

எந்த செயலை துவங்குவதாக இருந்தாலும் முழு முதற் கடவுளான கணபதியை வணங்கி விட்டு, அவருக்குரிய பூஜைகள், வேள்வி (ஹோமம்) ஆகியவற்றை செய்த பிறகே அந்த செயலை துவங்குவது இறை நம்பிக்கையாளர்களின் வழக்கம். கணபதியை வணங்கி விட்டு செய்யும் செயல்கள் அனைத்தும் எந்த வித தடையும் இன்றி, வெற்றிகரமாக நிறைவடையும் என்பது நம்பிக்கை.

புதுமனை புகுவிழா

புது வீடு கட்டி அங்கு நாம் குடி போகும் நாளில் நடத்தப்படும் சடங்கு புதுமனை புகு விழா. புதிய வீட்டில் நாம் மகிழ்ச்சியாக வாழ சில தெய்வீக சடங்குகளை பின்பற்றி, புனித நீரால் வீடு முழுவதையும் சுத்தப்படுத்தி, பூசை செய்வதன் மூலம் “எதிர்மறை ஆற்றல் விலகி நேர்மறை ஆற்றல் பெருகும்”, புதிய வீட்டில் வசிக்கும் குடும்ப உறுப்பினர்களுக்கு அமைதியும் நல்லிணக்கமும் கிடைக்கும்.

மகவுக்கு அமுதூட்டல்

குழந்தைக்கு ஏறத்தாழ ஐந்தாவது மாதம் வரை தாய்ப்பால் உணவே போதுமானதாக இருக்கும் ஆனால் இவ்வாறு ஒரு குறிப்பிட்ட கால எல்லைக்கு மேல் தாய்ப்பால் மட்டுமே உடலை வளர்க்க போதுமானது அல்ல எனவே நீர்த்த ‘திரவ உணவில்’ இருந்து மெத்தனத்தாகும் ‘திட உணர்விற்கு’ குழந்தையை ஆயத்தம் செய்தல் வேண்டும். தமிழ்நாட்டைப் பொறுத்த அளவில் அரிசி உணவு தொடக்கம். வட இந்தியாவில் கோதுமை உணவு தொடக்கம், இப்படி அந்தந்த பகுதிகளுக்கு ஏற்ப திட உணவு மாறும்.

சிலர் குழந்தையை கோயிலுக்கு கொண்டு சென்று அங்கே மடப்பள்ளியில் சமைத்து அந்த உணவை இறைவனுக்கு படைத்து, பிறகு குழந்தைக்கு  ஊட்டுவர்.  நம் வீட்டுக்கு குழந்தைக்கு நம் வீட்டு உணவை

இறைத்தொடர்போடு ஊட்டுவது தானே சிறப்பு, எனவே

இந்த வழிபாட்டினை வீட்டிலேயே செய்யலாம். கலசம் வைத்து வேள்வி செய்து அந்த வேள்வித்தியில் சமையல் செய்து இறைவனுக்கு அமுது படைத்து பிறகு குழந்தைக்கு ஊட்டலாம்